सीधे मुख्य सामग्री पर जाएं

मुक्तक छत्तीसगढ़ी



                         1.
बहुत अभिमान मैं करथौ
           
          छत्तीसगढ के माटी मा ।
मोर अंतस जुड़ा जाथे
      
              बटकी भर के बसी मा।
ये माटी नो हाय महतारी ये
             
            एकर मानतुम करव 
बइला आन के चरत हे
            
        काबर  तुम्हर बारी म ।।

                       2

मय तोर नाव लेहुँ 
                  
अउ तोरे गीत  गा के मर  जाहूं ।।
जे तै इनकार कर देबे 
                      
  मय कुछु खा के मर जाहुं ।।
अब तो लगथे ये जी जाही 
                         
संगी रे तोरे  मया म  
अउ कह इकरार कर लेबे 
                        
त मय पगला के मर जाहुं ।।

                      3
मय कइसे पथरा दिल ले
                    काबर पियार कर डारेव ।। 
जे दिल ल टोर के कईथे
                  का अतिया चार कर डारेव ।।
नई जानिस वो बैरी हा
                     कभू हिरदे के पीरा ल 
जेकर मया मय जिनगी ल
                      अपन ख़्वार कर डारेव।।

                     4
मोर घर म देवारी के
                    दिया दिनरात जलते फेर।।
महूँ ल देख के कोनो
                    अभी तक हाथ मलत फेर।।
  
मैं तोरे नाव  ले ले के
                  अभी तक प्यासा बइठे हौ
मोरो चारो मु़ड़ा घनघोर  
                       बादर बरसथे फेर।।
                    5
महू तरसे  हव तोरे बर
                   तहु ल तरसे बर परही 
मय कतका दुरिहा रेंगे हौ
                  तहूँ ल सरके बर परही।।
मय तोरे नाव क चातक
                 अभी ले प्यासा बइठे हौ
तड़प मोर प्यास    होही
                त तोला बरसे बर परही।

                   6

मोर घर छितका कुरिया अऊ,
                  तोर महल अटारी हे ।।
तोर घर रोज महफिल अऊ,
                   मोर सुन्ना दुवारी हे ।।
तहु भर पेट नई खावस,
                  महु भर पेट नई खावव 
तोर अब भूख नई लागय,
              मोर करा जुच्छा थारी हे ।।
                          7 

कभू करथे दिल मोरो, 

                  के मय देवदास हो जातेंव।।
नई परतेंव तोर चक्कर म 

                       टी कछु ख़ास हो जतेंव।।
अगर होतिस सिलेबस म

                             तोरे रूप के चर्चा;
त एसो परीक्षा म 

                             महुँ ह पास हो जतेंव।।

                            8   

उही म राजी ख़ुशी हे,

                          जेला हम पा जाथन ।

प्यार से कोनो बलाथे, 

                          त हम मन आ जाथन।

तुही मन राख लव ,

                            मया म तराजू धर के,

हम मुहब्बत म मलोवन 

                                 घलो बेचा जाथन।


टिप्पणियाँ

इस ब्लॉग से लोकप्रिय पोस्ट

छत्तीसगढिया शायरी

नसा  नस-नस मा समागे , आज के समाज के ।।  नसा के गुलाम होगे , नवजवान आज के ।।  पीढी -दर -पीढी एखर  परचार चलत हे अरे एखरे कमाई मा  सरकार चलत हे ।।


मोर घर छितका कुरिया अऊ, तोर महल अटारी हे ।। तोर घर रोज महफिल अऊ, मोर सुन्ना दुवारी हे ।। तहु भरपेट नई खावस, महु भरपेट नई खावव  तोला  अब भूख नई लागय, अउ मोर  जुच्छा थारी हे ।।

अब फेर आहीं

अब फेर आहीं हमर दुवारी वो मन ।।
करही एक दूसर के चारी वो मन।।


काबर कि आवत हे अब फेर चुनाव।
बन जाहीं हमन के संगवारी वो मन।।


देखाहीं हमला फ़ेर सुराज के सपना
मारहीं आनीबानी के लबारी वो मन ।।


अभी तो माढ़ ही इखर गोड़ भुइयां मा
फेर आगास मा उड़ाही वो मन।।


हम मन ला भुला जाही पांच बछर फेर
कुर्सी के करही रखवारी वो मन ।।

शायरी मोर छत्तीसगढ़ के

ओकर हक म नई आवय फूल, जे पर बर कांटा बोही। के दिनभर  हांसही चाहे, कलेचुप साँझ के  रोही। पीरा ल देख के ककरो , कभू तंय झन हाँसे कर , आज मोर साथ होवत हे, काली तोर साथ म होही।


वो मोल देख भर लिही , गुलाबी गाल हो जाही। प्रेम फूल, फूलही अउ बगरके गुलाल हो जाही। भुलाये नई सकय  कभू, एसो के होरी ल; मया के रंग म रंग के , वो ह लाले लाल हो जाही।

तोर सुरता के गोटी ह गोड़ म गड़ जाथे। मया के पा के पंदोली  मुड़ म चढ़ जाथे। मैं सोज अपन रद्दा म आथव-जाथव फेर; जब तोला देख लेथव मोर मति बिगड़ जाथे।




मया म मुँह ओथराबे, त तै बीमार हो जाबे। वोकर बर जान दे देबे,तै अखबार हो जाबे। किनारे बैठ के रो-रो के कोंन ह पार उतरे हे; उदिम कर तै ह बुड़ जाबे या नदियाँ पार  हो जाबे।

मोर घर छितका कुरिया अऊ, तोर महल अटारी हे ।। तोर घर रोज महफिल अऊ, मोर सुन्ना दुवारी हे ।। तहु भरपेट नई खावस, महु भरपेट नई खावव  तोला  अब भूख नई लागय, अउ मोर  जुच्छा थारी हे ।।